Kujdes për mërgimtarët: Rrugët në Kroaci të rrezikshme për shkak të ngricave

Mërgimtarët që kanë kaluar festat e fundvitit në Kosovë dhe janë nisur drejt vendeve ku banojnë dhe punojnë duhet të tregohen të kujdesshëm gjatë udhëtimit. Në veçanti, ata që kalojnë përmes Kroacisë përballen me kushte të vështira atmosferike, përfshirë borë dhe ngrica në rrugë.

Një bashkatdhetar ka raportuar për vështirësi të theksuara në hyrje të Zagrebit, duke bërë thirrje që të gjithë drejtuesit e automjeteve të tregojnë kujdes dhe të marrin masa të duhura për sigurinë e tyre gjatë qarkullimit.