Mjeku amerikan paralajmëron: Alkooli rrit rrezikun për kancer, kërkohet etiketim paralajmërues

Kirurgu i Përgjithshëm i SHBA-së, Vivek Murthy, ka bërë thirrje që pijet alkoolike të përmbajnë paralajmërime specifike për rreziqet e lidhura me kancerin. Kjo kërkesë vjen pas një studimi që tregon se alkooli është i lidhur me shtatë lloje të kancerit, duke përfshirë kancerin e gjirit, fytit, mëlçisë, ezofagut, gojës, laringut dhe zorrës së trashë.

Murthy thekson se konsumimi i alkoolit është përgjegjës për gati një milion raste të parandalueshme të kancerit në SHBA gjatë dekadës së fundit, ndërsa çdo vit raportohen rreth 20,000 vdekje nga kanceret e lidhura me alkoolin.

Ai sugjeron se, përveç paralajmërimeve në etiketa, është e nevojshme të rishikohen udhëzimet ekzistuese mbi rreziqet e alkoolit dhe kancerit, ndërsa mjekët duhet të bëjnë më shumë për të ndërgjegjësuar pacientët. Aktualisht, etiketat në pijet alkoolike paralajmërojnë për efektet gjatë shtatzënisë dhe rreziqet për drejtimin e automjetit nën ndikimin e alkoolit, por ato nuk janë përditësuar që nga viti 1988.

Murthy ka theksuar rëndësinë e informimit më të mirë të publikut për këto rreziqe, duke nënvizuar se lloji i alkoolit – birrë, verë apo pije të forta – nuk ndryshon efektin e tij mbi rrezikun për kancer.