Krojmiri heroik mbështet Imri Ahmetin dhe vizionin e LDK-së

Në një atmosferë të ngrohtë dhe entuziaste, Krojmiri heroik i dha mbështetje të fuqishme kandidatit të Lidhjes Demokratike të Kosovës (LDK), Imri Ahmeti. Gjatë fjalimit të tij, Ahmeti theksoi se kandidatura e tij është e motivuar nga përkushtimi për mirëqenien e qytetarëve, zhvillimin ekonomik të qëndrueshëm dhe forcimin e marrëdhënieve strategjike të Kosovës me aleatët ndërkombëtarë.

“Unë nuk kandidoj për ambicie personale, por për të garantuar një të ardhme më të mirë për vendin tonë. Vetëm me vizionin dhe njerëzit e duhur të LDK-së, Kosova mund të ecë përpara drejt zhvillimit dhe integrimit,” deklaroi Ahmeti, duke siguruar qytetarët për angazhimin e tij të plotë.

Banorët e Krojmirit treguan përkrahjen e tyre të palëkundur, duke konfirmuar se vizioni dhe programi i LDK-së përfaqësojnë rrugën më të sigurt për progres dhe zhvillim të qëndrueshëm në Kosovë.