Janjeva me pritje të madhe për Imri Ahmetin: Kjo energji na çon drejt fitores

Kryetari i Komunës së Lipjanit Imri Ahmeti, i cili në këto zgjedhje është kandidat për deputet me numër 7 në listën e LDK-së ka marrë mbështetje të fuqishme në tubim elektoral në Janjevë.

Me pjesëmarrje masive Ahmeti është pritur edhe në tubime të tjera.

“Sot u pritëm ngrohtësisht nga banorët e Janjevës, Teqes dhe pastaj edhe të Bregut të Zi, ku mbështetja për LDK-në dhe kandidatët tanë ishte madhështore.

Në çdo fshat e lagje po na mirëpresin, prandaj bashkë do të jemi edhe më 9 shkurt në fitoren tonë të madhe! Janjeva, vendi i gjurmëve të historisë, është edhe i vizionit për të ardhmen, ndërsa në Bregun e Zi ndjemë fuqinë e mbështetjes për ringritjen e së djathtës.Kjo është energjia dhe forca që na çon drejt fitores! Faleminderit për mikpritjen dhe mbështetjen. Ndryshimi është afër!” ka shkruar Ahmeti.