AGK-ja dënon kërcënimin ndaj Ilir Mirenës

Asociacioni i Gazetarëve të Kosovës është i alarmuar me kërcënimin me vrasje që gazetari Ilir Mirena ka marrë sot.

 

Mirena e ka postuar në Facebook një koment në të cilin një person i shkruan: “Ky veq plumin e ka hak e meriton”.

Përmes një njoftimi për medie AGK-ja bën të ditur se është thellësisht e shqetësuar me natyrën kërcënuese për jetë të mesazhit, dhe e fton Policinë e Kosovës që ta hetojë urgjentisht rastin.

“Ky kërcënim është vazhdimësi e të tjera kërcënimeve të ngjashme ndaj gazetarëve dhe aktivistëve në kohët e fundit”, thuhet në njoftim.