Abdixhiku takon ambasadorin Sprecher, flasin për zgjedhjet e 9 shkurtit

Kryetari i Lidhjes Demokratike të Kosovës, Lumir Abdixhiku ka biseduar sot për zhvillimet politike në vend me ambasadorin e Zvicrës në Kosovë, Jürg Sprecher.

LDK ka njoftuar se me theks të veçantë është diskutuar për zgjedhjet e 9 shkurtit dhe për programin politik “Rruga e Re”.

"Kryetari i Lidhjes Demokratike të Kosovës, Lumir Abdixhiku, ka pritur në Selinë Qendrore ambasadorin e Zvicrës në Kosovë, Jürg Sprecher.Në këtë takim kryetari Abdixhiku dhe ambasadori Sprecher, diskutuan për zhvillimet politike në vend, me theks të veçantë për zgjedhjet e 9 shkurtit. Kryetari Abdixhiku, e njoftoi ambasadorin Jürg Sprecher lidhur me përgatitjet e LDK-së rreth zgjedhjeve, duke theksuar angazhimin e LDK-së për të realizuar programin politik “Rruga e Re”, i cili përmban projekte konkrete që synojnë përmirësimin e jetës së qytetarëve dhe zhvillimin ekonomik të Kosovës. U diskutua edhe për rrugëtimin e “Turneut të Ndryshimit”, si dhe mbështetjen e jashtëzakonshme qytetare që po merr ky turne anë e kënd Kosovës, si përgjigjje ndaj thirrjes tonë për ndryshim.Në fund të takimit, u fol edhe për projekte që synojnë thellimin e bashkëpunimit mes të dyja vendeve, ndërsa kryetari Abdixhiku falënderoi ambasadorin Sprecher për mbështetjen që Zvicra i ka dhënë në vazhdimësi Kosovës, në proceset demokratike dhe zhvilimore të saj",thuhet në njoftim.