Mungesa e kuorumit pengon votimin e rezolutës opozitare për KEK-un

Seanca e jashtëzakonshme e Kuvendit, e thirrur nga Lidhja Demokratike e Kosovës (LDK) për të diskutuar gjendjen në Korporatën Energjetike të Kosovës (KEK), përfundoi pa mundur të votohej rezoluta e propozuar nga partitë opozitare, për shkak të mungesës së kuorumit.

Kryetari i Kuvendit, Glauk Konjufca, deklaroi se rezoluta do të shtrohet për votim në një seancë të ardhshme, kur të sigurohet pjesëmarrja e nevojshme e deputetëve. “Do ta vendosim sërish në votim në një seancë tjetër, kur të kemi kuorum do të votojmë rezolutën e sotme,” ka thënë Konjufca.

Mungesa e kuorumit bëri që kjo seancë e jashtëzakonshme, e cila synonte të adresonte çështjet e rëndësishme që lidhen me KEK-un, të mbyllej pa rezultat konkret.