Kryetari Ahmeti Viziton Mjeshtrin e Veglave Muzikore në Lipjan

Kryetari i Komunës së Lipjanit, z. Imri Ahmeti, ka vizituar baca Halil Zogaj, mjeshtrin 85-vjeçar të njohur për punimin e veglave muzikore dhe punimeve të tjera nga druri.

 

Gjatë vizitës, z. Ahmeti pati mundësinë të dëgjojë historinë e bacës Halil për pasionin e tij të kahershëm, që ka ruajtur dhe përcjellë ndër vite.

 

Më poshtë gjeni postimin e  plot të kryetarit Ahmeti në profilin e tij në Facebook:

 

“Te baca Halil Zogaj, kënaqësi me e pa dhe me e dëgju për pasionin e tij të kahershëm në punimin e veglave muzikore dhe punimeve të tjera nga druri.

Ndonëse në moshën 85-vjeçare, janë mbresëlënëse tregimet e vjetra për kohët e kaluara.

E ruan me nostalgji punimin e parë të sharkisë, të punuar para 70 vitesh.

Faleminderit për mikpritjen, baca Lilë!”.

Kryetari falënderoi bacën Lilë për mikpritjen e ngrohtë dhe përkushtimin e tij të palodhur për të mbajtur gjallë një pjesë të rëndësishme të kulturës dhe historisë sonë.