Përleshje me sende të forta në Tiranë, mosmarrëveshja nisi në TikTok

Një sherr me sende te forta dhe grushte ka ndodhur mbrëmjen e djeshme në Tiranë, ku disa të rinj janë konfliktuar me njëri-tjetrin.

Një prej personave të dhunuar mësohet se është djali i një oficeri të krimeve të rënda në Policinë e Shtetit. Ndërsa në sherr është përfshirë edhe djali i një ish-zyrtari të policisë së burgjeve, shkruan A2 CNN

Në komisariat janë shoqëruar 3 persona për t’u marrë në pyetje. Mësohet se sherri ka nisur për motive të dobëta pas disa debateve që kanë pasur në rrjetin social TikTok.