Ministria e Jashtme Gjermane e dënon ashpër sulmin terrorist në Kosovë

Ministria e Jashtme e Gjermanisë e ka dënuar ashpër sulmin e mbrëmshëm terrorist në Zubin Potok.

Përmes një postimi në platformën X, ky institucion gjerman ka shkruar që përgjegjësit duhet të dalin para drejtësisë.

“Gjermania bashkohet me Bashkimin Evropian në dënimin më të ashpër të sulmit terrorist të djeshëm ndaj infrastrukturës kritike të Kosovës. Solidaritet i plotë me Kosovën. Ata që janë përgjegjës duhet të dalin para drejtësisë”