108 aksidente brenda 24 orëve në Kosovë

Sipas të dhënave zyrtare të Policisë së Kosovës, gjatë 24 orëve të fundit janë regjistruar gjithsej 108 aksidente trafiku në nivel vendi.

Nga këto aksidente, 28 kanë rezultuar me të lënduar, ndërsa 80 të tjera kanë përfunduar vetëm me dëme materiale.

Në kuadër të aktiviteteve të policisë për sigurinë rrugore, janë shqiptuar gjithsej 1,427 gjoba për shkelje të rregullave të trafikut.

Po ashtu, gjatë kësaj periudhe kohore, 17 persona janë arrestuar, ndërsa 15 të tjerë janë ndaluar për mbajtje.

Policia e Kosovës u bën thirrje qytetarëve të respektojnë rregullat e qarkullimit rrugor për të shmangur aksidentet dhe pasojat e tyre.